Qiloni noxəşxonəonədə 39 nəfər Koronavirusi noxəş.
Tojədən 39 nəfər bə Koronavirusi mıbtəlo bıə noxəşi Qiloni noxəşxonəonədə oqətəşone.
Bə İRİB raporti əsos Qiloni tib elmon universiteti sıxənəvot bə ostanədə Koronavirusi noxəşon kam bey işorəş karde iyən votışe: ısət ostani noxəşxonəonədə bıə koronavirusi oloxtoniyə bıə noxəşon miğdor bə 139 nəfər rəsə.
Doktor Fərdin Mehrabiyan Qilon ostanədə 92 faiz anti Korona vaksinasiyaku xəbəş do və noxəşon oxonə statestika barədə bayonış karde: tojədən 4 nəfər korona noxəşi bə reanimasiya baxşi bardəşone iyən 38 nəfər Korona mıbtəlo bıə bədholə noxəşi həm Qiloni noxəşxonəon xususi oqətə vırəonədə oloxtoniyəşone.
Əv ım raporti dəvomədə votışe: 86 faiz qilonıj həm Korona peyvəndi 2 minnə iyən bə 76 həzo nəfər nezi həm vaksini 3 minnə doza jəşone.
Qiloni tib elmon universiti sıxənəvot ijən işorəş karde ki Koronavirusi tələfoti kam bey yeqanə roy vaksinasiyae, iyən millət bəpe ijən səhiyəvi protokolon ciddi rioyət kon.
Qilonədə ımruj 457 qılə mərkəz iyən vırədə anti Korona peyvəndi jedən.
