Cıvonon iyən nevcıvonon bə şəhid Hac Ğasım Suleymani eşğ və meylışon heste.

Əzizon bə Hac ğasım Suleymani şəhodəti sorəqardışi nez bey xoto, muxtəlifə bərnoməon qədə qədə bino bıdən. Tojədən şəhid Hac Ğasım Suleymani şəhodəti 2 minnə sorəqardış mərosimi həmohənqəkə rəis mısohibəş karde, dəvət kardəm bə ım mısohibədə işorə bıə sıxənon quş bıdənən.

 İxlos və tədəyon ım yolə şəhidi xusiyətonkue iyən Şəhid Suleymaniku ğəflət kardey, qıləy stratejik ğəfləte.

Ağaye Həmid Rıza Moğəddəmfər, ım yolə şəhidi 2minnə sorəqardışi həmohənqi iclosədə votışe: dılon sərdori şəhodət qıləy mokafat be və ım şəhidi şəhodəti bəpeşt, iyən mislış nıbıə təşii mərosim qıləy ğəhrəmonəti be, həmonə ruj ki İroni Yolə Rəhbər Həzrəte Ayətullah Xamenei əy bənə Yumollah bə hisobış varde.

Millət ə zəmon və islamiyə inğilobi 40 sorəti sinnədə Hac Ğasım Suleymani pokə bədəni təşii mərosimədə iştirok kardeşone, və ım məsələ  çəmə millətiro qıləy yolə fırsət və ilahiyə muhibət be, və həğiğətədə şəhid Suleymaniku ğəflət kardey, qıləy stratejik ğəfləte.

 Moğəddəmfər əlovəş karde: bo inğilobi hırdənon Şəhid Suleymani ımruj bənə islamiyə inğilobi simvol və olqo işorə karde bəbe.

Əzizon ışorə bıkəmon ki İroni islamiyə İrşod vəzarətxonə kitob muntəşir bıə əsəronku 300 qıləku vey de şəhid hac Ğasım Suleymani onvani ğeyd bıə. 60 qılə əsəronku vey həminə kitobonku muntəşir bey prossesədəy.

Həmçınin ımsor şəhid Hac Ğasım Suleymani təhğiğə elmiyə iclos həm bərpo bəbe.

İxlos və tədəyyon ım yolə şəhidi xusiyətonkue.

Hac Ğasım Suleymani Kermonədə qıləy kə soyb be ki homonə kə bə Həzrəte Fatiməye Zəhra(s) matəmə mərosimi dəvoniyey xoto vəğf bıə.

Əmə bəpe Hac Ğasım Suleymani vey və de çokə holəti bıznəmon.

Şəhid Hac Ğasım Suleymani şəhodəti 2 minnə sorəqardışi mərosim həmohənqəkə yol ijən işorəş karde: Qıroni xətm karde, Hac Ğasımi tərəfiku ziyorət hande, de Hac Ğasımi niyyəti nun təğsim kardey kampaniyaon həm əcumlə koonin ki de muxtəlifə qurupon vositə ımsor bərpo bəbe.

Dey manqi 13 minnə ruj, Şəhid Hac Ğasım Suleymani şəhodəti sorəqardışe ki İrağədə de Amerkə cinoyəti vositə terror be.