Gilonədə Koronavirusi stabilə vəziyət dəvom kardeydə.

Dəvardə 7 ruji mıddətədə ostani Korona noxəşon miğdor stabil mandəy iyən mıbtəlo bıə kəsonku hiç mardəş ni.

Mehribonon, İronədə təğribən anti Korona vaksinasiya bə 85 faiz rəse holədəy, həminə mıvəffəğə koy nəticədə ısət İroni vey şahronədə Koronavirusi tojə noxəşon peydo bey stabil mandəy iyən de xoşbəxtiyəti mardə kəsonku həm vey kam bıdə.

İroni Tele-Rədio xəbə saytədə jığo ğeyd bıə ki tojədən Qilonədə Koronavirusi nəticədə hiç kəs mərdəş ni və fəğət 45 nəfər bə navkonə noxəşon izofə bıə.

De tərtibi ısət Qiloni noxəşxonəonədə bə Koronavirusi mıbtəlo bıə noxəşon miğdor bə 204 nəfər rəsə.

13 nəfər noxəşi bə reanimasiya baxşi və 51 nəfər Korona bədholə noxəşi həm bə noxəşxonəon məxsus oqətə vırəon bardəşone.

Qilon ostanədə bıə millət 92 faiz Korona vədə vaksinasiya bıən.