De Fatemiyə əyyomi həmzəman Tolışədə ehson iyən humanitar koməkon.

Xosə tolışon Fatemiyə əyyomi matəmə mərosimon dəvom kardeydə və Qiloni Tolışə cəmaət ijən bə Əhli-Beyt(ə)-i ıştə mıhəbbəti nışo doero bəcəhdin.

Xəbə omə ki de Xanım Həzrəte Zəhra(s) şəhodətə rujon həmzəman Tolışədə mısılmonə millət 200 qılə tiyon(ğəzən) nəzriyə aşi patəşone.

Bə Qiloni Tele-Rədio raporti əsos, Tolış şəhri islomi təbliğon idorə rəis huccətul islom vəl muslimin Yusefi ın xəbə bəyonış karde və votışe: Həzrəte Zəhra(s) şəhodətə əyyomədə de şiə və sınni cəmaəti koməki bə ico çı Talış şəhri Huseyniyə və məzhəbi vırəonədə nəzri aş patə bıə ki ım ijən Tolışon bə Xıdo Rəsul(s) xandani eşğ və irodəti nışoş do.

Həmzəman xəbə omə ki Muvasat nomo bıə humanitarə koməkon dəvomədə və de Talış şəhri Sepah təşkiloti zəhməti 4 həzo xorək pəketon çın şəhri ehtiyocinə ailəon miyono təğsim bıə.

Çı Talış şəhri Sepah təşkiloti fərmondə, Palkovnik Cəhanbəxş Əzizi həminə koməkon erji 1 milyordo 500 milyon tımən bəyonış karde.

Bəsic təşkilot, cihodi qurupon iyən xəyeron həminə ərzağ pəketon qırdə kardeyro komək kardışone ki bə ehtiyocinə şəxson doə bəbe.