118 nəfər Korona noxəşi çı Qiloni noxəşxonəonədə oqətəşone.

Bə İRİB raporti əsos dəvardə 24 saəti mıddətədə 38 nəfər Koronavirusi noxəş bə Qiloni nəxəşxonəonədə bıə nakonə noxəşon izofə bıən.

Qiloni tib elmon universiti sıxənəvot bə Qilonədə Koronavirusi noxəşon miğdori kam bey işorəş karde iyən votışe: ostani noxəşxonəonədə bıə koronavirusi noxəşon miğdor bə 118 nəfər rəsə.

Doktor Fərdin Mehrabiyan bə səhiyyəvi protokolon rioyəti zəruriyyati işorə iyən təkid kardeşe: tojədən 10 nəfər korona noxəşi bə reanimasiya baxşi bardəşone iyən 28 nəfər Korona mıbtəlo bıə bədholə noxəşi həm Qiloni noxəşxonəon xususi oqətə vırəon oloxtoniyəşone.

Qiloni tib elmon universiti sıxənəvot ijən işorəş karde ki virusi tələfoti kam kardey yeqanə roy vaksinasiyae, çən ımruj ostanədə 454 qılə mərkəz bo ın ko nəzər dəqətə bəy ki şahrvandon bəpe bo təhdidon məhv kardeyro vaksinasiyai ciddi surəti əncom bıdən.

Ğilon ostanədə anti Korona vaksinasiya dəvomədə xəbə omə ki Qiloni millət de ciddi irodəon bə vaksinasiya mərkəzon şedən ta xususi de 3 minnə doza peyvəndi jəe vositə ıştəni ın virusi vədə oqəton.