Qilonədə bıə istehsoləkəyonku himoyədorəti dəvom kardeydə.

Əzizə tolışon, İroni Yolə Rəhbəri tərəfo ımsornə sori nom, istehsoli vədə bıə maneon peqəte iyən istehsolədə vaştemon ğeyd bıə.

Bə həminə məsələ əloğədor, ko iyən iğtisodi fəaliyətonku himoyədorəti karde bənə qıləy muhim və əsliyə ko sori əvvəliku bino bıə iyən de İroni həmməy vırəon həmzəmon Qilon ostanədə həm dəvom kardeydə.

Tojədən Qiloni Tele-Rədio xəbə saytədə ğeyd bıə ki sori əvvəliku tosə bə ısət bə 712 qılə Qiloni sənaye mərkəzon istehsoli rovnəğ nomo krediton doə bəy.

Qiloni sənaye və məədən idorə rəis ın xəbə elanış karde və votışe: bə həminə koməkon xoto 2 həzo 117 milyord tımən budcə co kardəmon iyən tosə sori oxo həm ın miğdor ijən əlovə bəbe.

Fərhad Dəlğpuş əlovəş karde krediton doeyku hədəf ko soybon iğtisodi-ticori problemon həl karde iyən istehsoli vədə bıə maneon peqəteye heste, çən har fabrika iyən istehsol mərkəz ki de maliyə muşkilaton dim bədim bıbu həminə koməkonku istifodə karde bəzne.

Əv bə Qiloni ko və sənaye baxşədə bıə moliyot, bimə, banki iyən ekoloqiya problemon həl karde həm təkidış karde.