Ostoro sərhəddiku 220 həzo toniku vey ditəsərrufat məhsulon ixrac bıə.

Əzizon, ostoro bənə Qiloni qıləy muhimmə sərhəd şəhri bə hisob omeydə ki çəyku muxtəlif məhsul-əmtəə bə məntəğə kişvəron sadir bıdə.

Tojədən xəbə omə ki ın şəhriku 220 həzo 141 ton muxtəlif ditəsərrufat məhsulon de zəmini, dıyo və reyls xətton vositə bə Kaspi dıyo hamsuyə kişvəron ixrac bıə.

Bə Qiloni Tele-Rədio raporti əsos, Ostoro ditəsərrufat idorə rəis ın xəbə elanış karde və votışe: bənə har sor, sori 2 minnə nimədə Ostoro sərhəddonku məhsul-əmtəə ixracat vey bıdə iyən Hamsuyə kişvəron çı Qiloni fermeron məhsulon çəş kardən.

Sasan Karcuyan əlovəş karde: tərəvəz və mivə əcumlə muhimmə məhsulonin ki de diğğət bə Qilon ostani istehsol ğabeliyəton, həm məntəğə vujuronədə barzə vırəş bəbe və həm Ostoroədə çandə ko və rovnəği icodış kardə.

Ğeyd kardənine ki har sor çı İroni Ostoro 3 həzo hektor kaştoronədə 6 həzo fermer, ditəsərrufati məhsulon istehsol kardən, həmçenin co tərəf ixracatiro həm çı İroni muxtəlif şəhronku əmtəə bə ın marziyə şəhri vardey bıdə.