Bəhmənə manqi 15 minnə rujədə bıə məxsusə mərosimon Qilonədə dəvom kardeydə.
Imsor Qilonədə de Fəcri 10 rujon dəme həmzəman 200 qılə proyekt de 3 həzo milyord tımən budcə co kardey vositə muxtəlif baxşonədə bə istismor rəse holədəy.
Bə İroni Tele-Rədio raporti əsos, zinə və de Fəcri da rujon 3 minnə ruji həmzəman, Qiloni 9 qılə şəhronədə vey obdonəkə planon bə istismor rəsə.
Im laiyəhon veyni ov rosniye, ruşinə sistemi zumand və tojə karde iyən ditəsərrufat baxşonədə be.
Rizvonşəhriku xəbə omə ki ın tolışə məntəğədə həm de Bəhmənə manqi 14 minnə ruji həmzəmon və de rəsmi şəxson iştiroki zinə çandə kə bə ehtiyocinə şəxson doə bəy.
Həmçenin de 2 milyord tımən budcə co kardey vositə qıləy diədə bələdiyə bina dutə bəy iyən bə divujonro ko icod kardey xoto kredit ixtisos peydo kardəşe.
Bə İroni İslomi İnğilobi səbarzəti 43 minnə sorəqardışi xoto Fəcri 10 rujonədə bıə məxsusə mərosimon de obdonəkə plan-layihəon bə istismor rosniye və mədəni bərnamon bərpo kardey dəvom kardedə.
Hicri şəmsi 1357 minnə sori Bəhmənə manqi 12 ədə İroni İslomi İnğilobi təsisəkə İmom Xomeyni(r) 14 sor vətəniku dər bə dər bey bəpeşt bə İron varid be; peşo 10 ruj bədiqə yəni Bəhmənə manqi 22 minnə rujədə İroni milləti islomi İnğilobi səbarz be.
Isət 43 sor ın İnğilobiku dəvardeydə.