Tolışı Əsalem(Əslum) şəhrədə 22 qılə ovonə bıkə plan bə bəhrə rəsə

Əslum şəhri bəxşdar ironi islamiyə inğilabi səbarzəti 10 rujə mubarəkə əyyami nımosibətiku de 8 milyard budcə 22 qılə plani bə bəhrə rusneku xəbəş doə.

Bə Məriyan Xəbər sayti elanon əsosi Əsalem(Əslom) şəhri bəxşdar ironi islamiyə inğilabi səbarzəti 10 rujə mubarəkə əyyami sorqardımoni mınosibətiku de 8 milyard tımən budcə 22 qılə ovonə bıkə plani bə bəhrə rusneku xəbəş do.

Əli Dərmani bə məriyan xəbər sayti jurnalisti  votışe: Ahənqərə mahlə nomo bıə tolışə di asphalt bə bə Qicab iyən Lakətoşon nomo bıə tolışə dion qaz doə bə dionədə 5 qılə plan ki piyodə şə kəsonru pard iyən ovə kanalon soxteku iborəte  bə bəhrə rəsən.

jenə lomer(Lemire sofla) tolışə diədə hilale əhmər mərkəz okardə bəy.

Əslomı bəxşdar Əli Dərmani işarəş karde Dəryabın nomo bıə tolışə diədə de həşi ruşnə elektırik təmin karde plani bə bəhrə rusne ım diədə 1 metr va xoto əncum nıbı əmmo çı tolışə di sakinon de həşi ruşnə elektırik istihsal bıkə cihazon royku bə dast omə ruşnəku bəhrə bardən.

Əslom şəhri bəxşdar ıştə sıxanon oxoyədə votışe: ım planon okarde zəmanədə ironi islamiyə şura məclisədə Tolış Rizvanşəhr və Masal şəhri nımayəndə cənab Məhmud Şəkəri iyən Tolış şəhri fərmondor seyd İsa Məhdəvi və məntəğədə bə coqlə rəsmi şəxson huzurışon bə.