Ostoro sərhəddiku kaştımoni məhsulon ixracat 85 faiz vey be.
Xosə həmzıvonon, har sor 750 toniku vey İroni muxtəlifə ostanonku bə Qilon vardə kaştımon məhsulon və əmtəə çı Ostoro zəmini sərhəddi royku bə Avrasiya kişvəron ixrac bıdə.
Bə İRİB raporti əsos, Qiloni ditəsərrufat idorə rəis tojədən votışe: har sor 600 tosə 750 ton, kaştımoni muxtəlifə məhsulon ki 85 faiz İroni ixracatiku iborəte, çı Ostoro dıyo, zəmin və reylz sərhəddon royku bə Avrasiya kişvəron ixrac bıdə.
Saleh Muhəmmədi, bə Ostoro və Ənzəli şəhrıstononədə 2 qılə tərəvəz karantin posti fəaliyəti işorə iyən əlovəş karde: de diğğət bə Qiloni sərhəddonku kaştımoni məhsulon ixracati miğdori əlovə bey, ostanədə karantin tojə poston icod bəbe.
Əv ijən votışe: de prezident Rəisi bə Qilon səfəri cəryanədə ixtisos doə budcəon vositə, Ostanədə 3 qılə co tərəvəz karantin posti soxte imkon heste.