Qilonədə 40 həzo toniku vey qamə ovi moy istehsoli proqonoz.

Xosə əməson, tosə bə ısət Qiloni moyəvonon təğribən 35 həzo ton qamə ovi moy istehsol kardışone, və proqonoz bıdə ki tosə vəoməy sori Ordibeheştədə ım miğdor bə 40 həzo ton bırəsi.

Bə İRİB raporti əsos, Qiloni moyəvonəti idorə muavin zinə votışe: ımsornə sori Azərə manqiku yəni qamə ovi moyon qəte fəsli bino beyku tosə bə ısət, çı ostani 5 həzo 345 moy prosniyə vırəon iyən hovzonku, təğribən 35 həzo ton, qamə ovi moy qırdə kardə bıə.

Həmidrıza Nəsiri ım isteshol bıə moyon erji 700 milyard tımən elanış kardə və votışe: Fitifok, Kəpur, Amor və Biqhed, çı Qiloni qamə ovi moyon muhimmə qıləonin.

Qiloni moyəvonəti idorə muavin həmçınin bə İronədə qamə ovi moyon istehsolədə bıə Qilon Ostani 3 minnə vırə işorəş karde və votışe: Qilonədə har sor qamə hovzonədə prosniyə bıə moyoniku təğribən nimə miğdor məsrəf bıde və nimə həm bə co ostanon vığandə bəbe.

Həmidrıza Nəsiri, kədə moyəvonəti ko inkişof doe, xokə hovzonədə Kəpur prosniye, kallektiv ğolibədə istehsoli inkişof, moy prosniye mexanizmi tojə iyən muasir təchizatonku istifodə karde həmçenin qədə səddon zərfiyətiku istifodə kardey, Qilon ostanədə qamə ovi moyon istehsoli ziyod bey muhimmə illətonku bə hisobış varde.