Qilon ostani bicoronədə zımostonə şum rəyrə dəvom kardeydə.

Mehribonon, çı Qilon ostani 60 həzo hiktor bicoronədə fermeron zımıstonə şumi jəşone.

Bə İRİB raporti əsos, Qiloni ditəsərrufat cihod idorə muavin bə ın ostani bicoronədə bo bırz kaşteyro 2 kərə yani zımıston iyən bəharə fəslədə şum jəe işorəş karde və votışe: tosə bə ısət, çı Qiloni bicoronku 25 faizədə, zımıstonə şum jə bəy, ki ım miğdor təğribən 60 həzo hiktor bicoron şomil bıdə.

Seyed Əli Musəvi Qilonədə bıə bicoron miğdori qırd 238 həzo hiktor elan və izhorış karde: zımıstonə fəslədə şum jəe, bois bəbe ki kaştımoniro bicori zəmin hozzo bıbu.

Əv bə Qilonədə voşi miğdori tojədən ziyod bey işorə iyən fermeronku tələb kardeşe ki ım rujonku istifodə kənən və har çəxtə rə ıştə bicoron şum bıjənən.

Qiloni kaştevonəti Cihod idorə muavin ijən əlovəş kardə: de zımıstonə şumi vositə, kıləşon bə zəmini jinton şeydən və ım məsələ əlovə bə ofoton məhv kardey, bois bəbe ki çı bicoron zəmin keyfiyətin bıbu, həmçenin vəomə kaştımonədə istehsol əlovə iyən qubrə məsrəf həm kam bəbe.