Qiloni noxəşxonəonədə 114 nəfər koronavirusi tojə noxəşi oloxtoniyəşone.

Əzizə həmzıvonon, Qilon ostanədə 629 nəfər şahrvandi bə korona mıbtəlo bey xoto, noxəşxonəonədə oloxtoniyəşone.

Bə Qiloni Tele-Rədio aqentiyəti raporti əsos, Qiloni tib elmon universiti sıxənəvot votışe: dəvardə 24 saəti mıddətədə, de 114 nəfəri bə korona mıbtəlo bıə tojə noxəşi oloxtoniye vositə, halihazerədə Qiloni ostanədə bə korona mıbtəlo bıə kəson miğdor bə 629 nəfər rəsə ki 126 nəfər çəvonku vey bədholin.

Əmmo bə kişvəri koronavirusi tojə ranqinə xəritə əsos, Qilon Ostani 10 qılə şəhrıston əcumlə: Rizvonşəhr, Fumən, Şəft, Masal və Talış şəhrıstonon, koronavirusi ranqinə xəritə cəhətiku, sıə ranqiku xarıc və noncə ranq bıən, ki nışo doydə ım şəhrıstononədə bə korona mıbtəlo bıə kəson miğdor kam bıə.

Qiloni tib elmon universiti sıxənəvot ijən votışe: ımruj Qilonədə 360 qılə vaksinasiya mərkəz əctive və bə şahrvandon xıdmət kardedən.

Doktor Fərdin Mehrabiyan şahrvandonku tələbış kardə ki ıştə vaksini bıjənon.