Qiloniku 600 milyon dollariku vey muxtəlif əmtəə və məhsulon ixracat.
Qiromiyə əməson, sori əvvəliku tosə bə ısət, Qiloni qomrukonku, 627 milyon dollariku vey məhsul və əmtəə sadir iyən ixrac bıə ki ım miğdor dəvardə sori muğaisədə 6 faiz əlovə bey nışo doydə.
Əzizə əməson bə şımə xıdmət səlom ərz kardəm, şımə ruj bə xəyr bıbu.
Mehribonon, ın şanqo xıdo Rəsul(s)-i bə peyğəmbərəti vıjniye yəni məbəs idə şəvi, bə şımə xıdmət təbrik ərz kardəm.
Dəvət kardəm dəmə bə ico bımandən və bə ımrujnə xəbə reportaj baxşi quş bıdənən.
Qiromiyə əməson, sori əvvəliku tosə bə ısət, Qiloni qomrukonku, 627 milyon dollariku vey məhsul və əmtəə sadir iyən ixrac bıə ki ım miğdor dəvardə sori muğaisədə 6 faiz əlovə bey nışo doydə.
Bə Qiloni tele-Rədio aqentiyəti raporti əsos, zinə çı Qiloni qomrukon muşahidəçi votışe: sori əvvəliku tosə bə ısət, 1 milyono 44 həzo ton muxtəlif məhsul və əmtəə de 627 milyono 715 həzo dollar erji, Qiloni qomrukonku sadir bıə.
Əbulğasım Yusıfinejad, bə koronavirus və sanksiya şərayeti dəvomi işorə iyən əlovəş karde: ım miğdor əmtəə və məhsul, dəvardə sori muğaisədə, erji cəhəto 6 faiz və vəzni cəhəto 3 faiz əlovə bey nışo doydə.
Əv votışe: Qilonku vey muhimmə ixrac bıə məhsulon, məədəni, plastik, kimyəvi və xorək sənayeku şomile.
Qiloni qomrukon moşahidəçi votışe: ım məhsulon bə Rusiyə, Azərbaycan Respublika, Ğəzaxıston, Qurciston, Əfğanıston, Okrayna, Tırkməniston və Belarus sadir bıə.
