Qilonədə astə moyon qətey 4 faiz vey be.

Səmimi həmzıvonon, ımsor Qilon Ostanədə və Kaspi dıyoku 1000 toniku vey astə moy qətə bıə.

Bə İRİB raporti əsos, Qiloni moyəvonəti idorə sərpərəst votışe: ımsor moy qəte fəsli əvvəliku yəni Mehr manqi 20 minnə rujiku, tosə bə ısət, Qilonədə və Kaspi dıyoku, 1146 ton muxtəlifə astə moyon, qətə bıən ki çəvon erj 1313 milyard riyol bəbe, həmçınin ım miğdor moy dəvardə sori muğaisədə 4 faiz əlovə bey nışo doydə.

Həmid Rəza Təği Nəsiri həminə mıddətəd, qətə bıə moyon miğdori veyni sıpi iyən kəfol elan və əlovəş kardə: ım miğdor moyonku 547 ton yəni 48 faiz sıpi, 562 ton yəni 49 faiz kəfol və 37 ton yəni 3 faiz co moyon əcumlə sim və sufi şoml bıdə.

Əv ımsor moy qəte miğdori ziyod bey illəti, mınosib və çokə ov-həvo iyən bə moyəqəton səyo cəhdi əlovə bey xoto elanış kardə və votışe: ımsor bə moy qəte miğdori əlovə bıə, jəqo ki ım miğdor dəvardə sori muğaisədə 17 faiz əlovə bey nışo doydə.

Ğeyd kəmon ki Qilon ostan 47 qılə əctivə moyəqətə şirkəti soybe.