İroni bə Rusiyə ixracati zərfiyəton zumand kardey.

Qilon ostani ostandar votışe: əmtəə və məhsulon reqional ticorətiro çokə tədbiron çı İroni dıvləti tərəfo nəzər dəqətə bıə.

Bə Qiloni Tele Rədio aqentiyəti raporti əsos, zinə Rəştədə və ostani ğəyre nat ixracati bə inkişof rosniye xususi iclosədə ki de Rusiyədə bıə İroni səfiri virtual iştirok bərpo bıə, Əsədullah Əbbosi bə Qilon və Rusiyə sərhəd ostanon miyono bıə ticari zərfiyəton iyən dəbastə bıə muğaviləon işorəş karde və votışe: Qilon de Rusiyə cənubi ostanon, iğtisodi rabitəon zumand kardeyro hozzoe.
Əv ıştə sıxənon dəvomədə, bə Rusiyə marzonədə ko saəti əlovə kardey, Ənzəli ticari ozod məntəğədə Rusiyə bankon şobə oj bey, muxtəlif məhsulon istehsoliro Rusiyə cənubi ostanonədə bıə kaştımon zəminonku istifodə kardey, mədəniyət və elmi rabitəon hevujəti iyən tranzitiro vizə ləğv bey bənə təklifi işorə və əlovəş karde:, İron iyən Rusiyə miyono bıə ticari həmkarion hevuj bey cəhətədə har çəxtə zəminəon icod bıbun, iyən maneon peqətəmon, vey muhimmə məsələy.
Im icolsədə həmçınin, Rusiyədə bıə İroni səfir, Kazım Cəloli, çı iğtisodi hərəkəton bə inkişof rosniye və 2 qılə kişvəri zərfiyətonku təsirin surəti istifodə kardeyro, Qiloni iğtisodi fəalon və koşınason iyən çı Rusiyə iğtisodi mışovirəonku şomil bıə mıştərəkə qurupon icod bey tələb kardışe ijən bə Rəşt-Ostoro reyls xətton harçəxtə rə komil bey zəruriyoti təkidış be.