Qilon ostani Hirkoni vişəonku muhafizə kardey.

Xosə Tolışon, Qiloni təbii sərvət iyən ovi manbəon muhafizə əkə idorə rəis, çı Hirkoni torixiyə vişəon oqəteyro, 400 nəfər vişəvononku istifodə kardeyku xəbəş do.

Bə İRİB raporti əsos, Mirhamed Əxtəri votışe: holi hozirədə çı Qiloni 565 həzo hiktor Hirkoni vişəon de 492 nəfər vişəvon və ğeyri dıvləti qurupon koməki diğğətin surıti muhafizə bıdən.

Mirhamed Əxtəri işorəş karde ki 70 sor çimi bənav çı Hirkoni vişəon səth iyən miğdor, 3 milyon hiktoriku vey be əmmo bə tojə statestikaon əsos, ısət ın miğdor bə 2 həzo hiktor rəsedə, ki de muhafizə əkə koon, vişədorəti və milləti həmkari vositə muvəffəğ bimon ostanədə Hirkoni vişəon kam bey prossesi vəy bıqətəmon.

Əv ijən əlovəş karde: Qiloni Hirkoni vişəonku baxşoni ki dınyo irson siyahiədə ğeyd bıə, de 58 həzo 500 hiktori, Fuməni Qəşt-Rudxan, Rudbari Siyohrud və Tolışi Lisar məntəğəonədən ki ım vişəonku muhafizə kardey, əvoni prosniye, çəvon noxəşion kontrol kardey çı Qiloni təbii sərvət iyən ovi manbəon muhafizə əkə idorə tərəfo ciddi surəti əncom beydə.