Tojə sori bino bey astanədə Qilonədə bıə Koronavirusiku oxonə xəbon.

Mehribonon, bə İRİB raporti əsos, Qiloni tib elmon universiti sıxənəvot votışe: Qilonıjon de səhiyyəvi protokolon rioyəti iyən vaksin jəey vositə, səyo cəhd kardedən ki nuyə sor və tojə əsri bekorona virusi bino kon.

Doktor Fərdin Mehrabiyan dəvardə 24 saəti mıddətədə 53 nəfəri bə Korona noxəşon miğdori əlovə beyku xəbəş do və votışe: Qiloni noxəşxonəonədə Korona mıbtəlo bıə kəson miğdor cəmədə bə 229 nəfər rəsə.

Əv ijən əlovəş karde ki zinə Qilon ostani noxəşxonəonədə 274 nəfər çı Korona noxəşon oloxtoniyəşone.

Mehrabiyan votışe: ımruj Qilon ostani noxəşxonəonədə korona noxəşon miğdor, dəvardə ruji muğaisədə, 45 nəfər kam bıə.

Qiloni tib elmon universiti sıxənəvot izhorış karde: bə Korona mıbtəlo bey xoto, Qiloni noxəşxonəonədə bıə məxsus oqətə vırəonədə oloxtoniyə bıə kəson miğdor həm bə 56 nəfər rəsə ki çəvonku 45 nəfəri hol-əhvol çok ni.

Doktor Mehrabiyan çı Koronavirusi noxəşon miğdori kam beyro bə Vaksin jəey əhəmiyyəti işorəş karde və votışe: Qilonədə 473 vaksinasiya mərkəz bə ko kardey məşğulin.