Masalədə Nəvuzə idi adəton iyən hol-həvo(3)

Xosə Tolışon səlom, Nəvuzə id iyən nuyə sor bəşmə mıburək bıbu, dəvət kardəm ki de ımrujnə xəbə reportaj baxşi dəmə bə ico bımandən.

Əzizon, nəvuzə idədə Tolışon bə məxsus xavloon pate vey əhəmmiyət dodən.

Xavlo pateyədə Tolışə jenon iyən kinəon əsliyə koy əncom dodən ta ım idə məxsusə xorək vey lezzətin, xoş ranq və cəzbəkə ətrəbuş bıbu.

Əmmo İroni Masal Tolışə dionədə bə Nəvuzə idi xoto, 3 curnə məhəliyə Xavlo, idə surfəon ranqin kardedə, "şakarə xavlo", "duşabə xavlo" iyən "ziyabərə xavlo".

Şakarə xavloədə ğəndə xokə, ruyən, bırzə ordə, vizə mağz iyən məhəli məxsusə ədviyəonku isitofə bıdə. duşabə xavloədə həm jəğo ki çəy numiku zıney bıdə, ğəndə xokə əvəzi qılovniyə anqı ya xımo şirəku istifodə kardən ki xavlo ranqi ğəhvəii bey bois bıdə.

Masalıjon əmmo Ziyabərə xavlo patey bənə vey xoşə adəti zıneydən. ım xavloədə niyə ruyən ekardən və əy nozıkə vərəğəon ğolibədə pattən, peşo çəy dılə de vizə mağz və ətrinə ədviyəon pur kardən.

İroni co məntəğəon əks, Masalədə çı Nəvuzə idi məxsusə xavloon pate hoston ni bəlkəm ın koyədə veyə təcrubə iyən məhorət heste.