Masalədə Nəvuzə idi adəton iyən hol-həvo(7)

Xosə Tolışon səlom, şımə nuyə sor mıborək bıbu.

Nəvuzə idədə iyən bəharə fəsli rujonədə şıməro xoşə ləzəon iyən jimonədə xoşbəxtiyəti urzu kardəm.

De ımrujnə xəbə reportaji dəmə bə ico bımandən.

Əzizə əməson, Nəvuzə id, həmmə milləton xususi Tolışonro bənə qıləy erjinə adəti zıney bıdə.

Tolışon bə bəharə fəsli umidışone ta de Xıdo koməki nuyə sorədə qıləy bərəkətinə jimoni sənibəton bino kon.

Əmmo har sor İroni Masalədə Tolışə millət moxtəlif adət-ənənon ğolibədə bə Nəvuz iyən bəharə fəsli pişvoz şedən və ın əyyomi xoş dəvoniyeyro ıştəni hozzo kardən.

Nəvuzə idi əyyomədə həm Masalıjon tərəfo kanə adəton dəvoniye həğiğətən ın idi rişədorəti və torixiyə kanəti nışonəy.

Çı Masal məntəğə tolışon miyono bıə qıləy adəton, kaqə moğnə hənək yaxod moğnə canqe.In hənək vey məşğələ və sətas əkə koy bə hisob omeydə.Nəvuzi bino bey zəmonədə tosə nuyə sori 13 minə ruji, Masalıjə mırdon, cıvonon və nocıvonon çı vujoron, kə ya har vırədə bə ın hənəki əncom doe məşğulin.

Əmmo bəharə fəslədə səyohət əkəyon səfər iyən Nəvuzə idi turistonku tojədən xəbə omə ki təğribən 900 həzo qılə maşin bə Qilon varid bıən ki tikəy çı ostani bəzi məntəğon iyən roonədə trafik və problem icodış karde.