Tolışədə 7 qılə Nəvuzə nımoyeşqoh bərpo bıə.
Mehribonə əməson səlom, şımə Nəvuzə rujon bə xəyr bıbu, şıməro xəy və xoşə ləzzəon urzu kardəm və şıməni dəvət kardəm bə ımrujnə xəbə reportaj baxşi quş bıdənən.
Tolış şəhrıstoni dasti sənaye, turizm və mədəniyət irson idorə yol, ım şəhrıstoni 7 qılə məntəğədə, dasti sənaye məhsulon və bə Nəvuz aid bıə əmtəə nımoyeşqohon bərpo beyku xəbəş do.
Bə Qiloni Tele-Rədio aqentiyəti raporti əsos, Əmirinejad votışe: Qilonədə bə Nəvuzə əyyomi iyən turizton iştiroki xoto, Tolış şəhrıstonədə dasti sənaye istehsolon nımoyeşqohon oj bıə ki tosə Fərvərdinə manqi 14 minnə ruji çəvon fəaliyət dəvom kardeydə.
Əv ijən əlovəş karde: ım nımoyeşqohonədə məhsuloni bənə qilim(xalçə), həsir, məhəlli oləton iyən boftə bıə çion hestin ki de dasti sənaye baxşədə ko kardə tolışə hınə soybon zəhməti istehsol bıə.
Tolış şəhrıstoni nəcimə sənaye, turizm və mədəniyət irson idorə yol bə ım nımoyeşqohonku tosə bə lsət 4 həzo turiston vindemoni işorəş karde iyən votışe: proqonoz bıdə ki tosə Nəvuzə əyyomi oxo, bə ım nımoyeşqohonədə iştirok əkəyon miğdori vey əlovə bıbu.
