95 faiz çı Qiloni şoqirdon, Koronavirusi peyvəndi jəşone.

Səmimi həmzıvonon səlom, şımə cımə ruj bə xəyr bıbu, əzizon dıvo kardəm mıburəkə Rəmezonə manqədə, şımə nımoj-rujəon ğəbul bıbun və Xıdovənde xalıği rəhmət, inoyət və məğfirət bə şımə ğısmət bıbu. Şıməni dəvət kardəm bə ımrujnə xəbə reportaj baxşi quş bıdənən.

95 faiz çı Qiloni 9 tosə 18 sor sinnışon bıə şoqirdon anti korona har 2 qılə vaksini jəşone.

Bə Qiloni Tele-Rədio aqentiyəti raporti əsos, Qiloni tib elmon universiti sıxənəvot işorəş karde ki Qiloni şoqirdonku, 183 həzo nəfər, bəpe koronavirusi vədə vaksinasiya bıbun.

Əv votışe: tosə bə ısət, 173 həzo nəfər çı Qiloni 9 tosə 18 sor sinnışon bıə şoqirdon, anti Korona har 2 qılə doza vaksini jəşone.

Doktor Fərdin Mehrabiyan əlovəş karde: 98 faiz çı Qiloni şoqirdon həm Koronavirusi peyvəndi i minnə doza jəşone.

İşorə kəmon ki Qiloni vaksinasiya mərkəzonədə 5 soriku vey sinnışon bıə hırdənon anti Korona vaksinasiya bərnomə həm bino bıə.

Qilonədə anti Korona vaksinasiya həmçınan dəvom kardeydə.