Çayəvononku çay havzə livəon hırye şəroyet hozzı bıə.

Mehribonon səlom, şımə nımoj-rujəon ğəbul bıbu, əzizon ın şanqo Həzrəte Xədiceye Kubra(s)-i rehlətə şəvi sorəqardışe ki ım şəvi bə şımə təsliyət ərz kardəm, ısət şıməni dəvət kardəm bə ımrujnə xəbə reportaj baxşi quş bıdənən.

Əzizə həmzıvonon, çayəvononku çay hıryeyro tosə bə ısət, 30 qılə fabrika de kişvəri çay təşkilati təvafuğnomə imzo kardəşone.

Bə İRİB raporti əsos, İroni çay təşkilati rəis, de Qiloni Tele-Rədio xəbə baxşi mısohibədə votışe: tosə bə ısət, 50 qılə çay fabrika Qilon iyən Mazəndəroni çayəvononku, çay havzə livəon hıryero bə ım idorə mırociət kardəşone ki de 30 qılə fabrika həmkarəti təvafuğnomə imzo bıə.

Həbib Cəhansaz, Ordibeheştə manqi i minnə haftəku, bə Qilon iyən Mazəndəron ostani çayəvononku, çay həvzə livə hırye bino bey işorəş karde və əlovəş do: de diğğət bə iğlimi mınosibə şəroyeti, proqonoz bıdə ki ımsor Qilon və Mazəndəron ostanon çayəvononro vey purməhsulə sor iyən vujoronədə, İroni şimoliku istehsol bıə hışkə çay vey çokə həvote bıbu.