De 70 qılə çayə fabrikaon təvafuğnomə imzo be.

Əziz həmzıvonon səlom, şımə ruj bə xəy bıbu, Rujə moədəmon iyən ım əzizə manqi mənəvi ləzəonədə şıməro xəy, səadət iyən məğfirəti urzu kardəm, lutfən bə ımrujnə xəbə reportaj baxşi quş bıdənən.

İroni çay idorə yol votışe: çay havzə livə zəmanət hıryero, de Qilon iyən Mazəndəroni 70 qılə çayə fabrika soybon təvafuğnomə imzo bıə.

Bə Qiloni Tele-Rədio aqentiyəti raporti əsos, Həbib Cəhansaz votışe: bə çay havzə livə çınye zəmoni nez bey xoto, de 71 qılə çayə fabrika soybon təvafuğ bıə ki tosə Urdibeheştə manqi nimə, zəmanət hırye planədə iştirok əkə fabrikaon miğdor bə 170 qılə bərəse.

Cəhansaz ijən əlovəş do: əqə həvosət çok bıbu, Urdibeheştə manqi i minnə haftədə, İroni şimol boğonku çay havzə livə çınye, bino bəbe.

Bə İroni çay idorə rəisi votəyon əsos, jığo proqnoz bıdə ki ımsor, çı Qiloni 25 həzo hiktor çayə boğonku, 145 həzo ton çay havzə livə çınye bıbu.