Həzrəte İmom Əli(ə)-i şəhodəti sorəqardışədə, Ostoro milləti əzodorəti.

Əzizə Tolışon səlom, şımə nımoj-rujəon ğəbul bıbun, əzizon Həzrəte İmom Əli(ə)-i şəhodətə rujon bə şımə təsliyət ərz kardəm.

Dəvət kardəm bə ımrujnə xəbə reportaj baxşi quş bıdənən.

Xosə əməson, Həzrəte İmom Əli(ə)-i şəhodətə ruji sorəqardışədə, Ostoro rujə əqəton, ım şəhri kuçə və xiyobononədə əzodorəti mərosimon bərpo kardeşone.

Bə İRİB raporti əsos, ım mərosimədə millət ıştə eşği bə Həzrəte İmom Əli(ə) nışo doşone iyən Əle-beyti(ə)-i aşiğon çı Ostoro ətrofədə bıə dion iyən co məntəğəonku bə ın şəhri Həzrəte İbrahim və Həzrəte Ğasım(ə)-i İmomzodəon pokə hərəmi ziyorət kardey omin.

De Həzrəte İmom Əli(ə)-i şəhodətə ruji sorəqardışi həmzəman, Ostoro şəhrıstoni cihodi qurupon de xəyyeron komək və həmkari, 2 həzo qıləku vey nəzriyə xorək, ehtiyocinə şəxson iyən əzodoron miyono pəxş kardışone.

Im mərosimədə ki Ostoro Əliyebne Əbitalebi məçitədə bərpo bıə, əzodorəti bəpeş, Ostoro şəhrıstoni cımə İmom votışe: islami hukumətədə bəpe bə dini alimon vırə yol qətey mərosimon diğğət bıbu, və yodədə oqətəmon ki ədolət mehvəri iyən həxi oqətey İmom Əli(ə)-i xusiyətonku bə hisob omeydə.

Huccətul İslam vəl muslemin Bağıri əlovəş do: islami ictima əsliyə prinsip, imomət və viloyəte iyən ımruj millət muxtəlifə bərnoməonədə de muxtəlifə səliğəon və xusiyəton bə velayəti mehvəri əsos iştirok kardən ki həminə məsələ islami ictima dəvomi bois bıə.

Əv milləti barədə çı Əhle Beyt (ə)-i adətonku votışe: islami hukumətədə dini və məzhəbi mınosibətonədə cəmaəti iştirok təkid bıə iyən əmre be məeruf və nəhye əz munkər qıləy muhimmə diğğət kardəninə məsələy..

Huccətul İslam vəl muslemin Bağıri izhorış karde: İmom Əli(ə)-i viloyət, Xıdovənde Xalıği səmtiku bə həmmə ummət təiin be ki Xıdo Rəsul(s)-i əy elanış karde və ım İmmomon iyən peyğəmbəron bin ki, milləti bə ilahi məərefəti səmti hidoyət kardeşone.

Ostoro cımə İmom əlovəş do: mısılmonon bəpe deşmənon təfrəğə və bədxohəti vədə deştə həmmə zumandəti viloyətiku mudafiə kon və ım royədə bəpe de islami dini məarifon kəsb kafrdey hozzo bıbun.

İşorə kəmon ki məddahi iyən mısibəti yod kardey, ım mənəviyə mərosimi coqılə baxşonku be