Ostoro iyən Talışədə şərifə Ğudsiku himoyədorəti kardey vanq.

Əzizə əməson səlom, ımruj Qilonədə xususi Talış iyən Oatoro şəhrıstononədə Ğuds beynəl xalğə ruji aksiya əzəmətin iyən hərorətin surəti bərpo be.

Dəvət kardəm bə ım aksiyaonku hozzı kardə reportaji quş bıdənən.

Xosə əməson, Ğuds beynəl xalğə rujədə Qiloni ğərbədə, Ostoro iyən Talış şəhrıstononku millət, dıştə aksiyaon vositə sionist rejim iyən dınyo istikboronku ıştə nifrəti və Fələstiniku ıştə himoyədorəti nışo doşone.

Bə İrna raporti əsos, ım aksiyaonədə, muxtəlifə cəmaət iyən rəsmi şəxson de boydəğn dasədə qətey bə ico, inğilobi şuari vanq kardeşone.

Əvon Amerkə iyən israili boydəğon ıştə lınqi jiədə noşone və otəşıjon jə. kinə şoqirodon tərəfo Fələstini muğavimət iyən şərifə Ğudsi barədə rəssoməti həm ımsornə Ostoro Ğuds beynəl xalğə ruji co bərnoməonku be.

Şemoni oxoədə və Ostoro musəllaədə ın şəhri nımoyəndə votışe: Ğuds beynəl xalğə ruj vey kamə mınosibətonku heste ki de benynəl xalğə ruji unvan ğeyd bıə, və həminə məsələ Həzrəte İmom Xomeyni(r)-i huşinəti nışo doydə ki de ım nomi vositə pidəş be bə vəhdət iyən mığəddəsə hədəfi səmti hərəkət kardey xoto islami umməti ehtiyocon yodədə oqəto.

Ğolam Rıza Mərhəba sionist rejimi təsdiğ kardey fik iyən siyosəti qıləy xəbisə plan bə hisobış varde iyən əlovəş do:  boçi İnqilis bə 1 milyardiku vey mısılmoni həx və nəzə diğğət nıkarde holədə çand həzo nəfəri mənafe təmin kardeşe ta İslami dınyoədə, israil bənə xərçənq vəzi icod bıbu.

Əlovə kəmon ki Tolış şəhrıstonədə həm, Ğuds beynəl xalğə ruji aksiya, 7 qılə məntəğədə bərpo bıə və tolışon de aksiyaəkəyonədə hərorətinə iştiroki vositə bə İmom Xomeyni(r) iyən Yolə Rəhbəri prinsipon ijən islamiyə inğilobi hədəfon bəfodorəti de ıştəniku yolə ğəhrəmonəti nışo doe təsdiğ kardışone.