Imsor, Qilonədə 22 həzo ko fırsət icod bəbe.

Əzizə Tolışon səlom, şımə cımə ruj bə xəyr bıbu, dəvət kardəm bə ımrujnə xəbə reportaj baxşi quş bıdənən.

Rəştədə İroni İmom Xomeyni(r)-i imdod kumitə ko baxi muavin, ımsornə sorədə İronədə 500 həzo ko fırsəti icod kardeyku xəbəş do.

Bə Qiloni Tele-Rədio aqentiyəti raporti əsos, Rəştədə, ko metodon iyən planon təbyin kardey iclosədə, Murteza Firozabadi votışe: bə ın təşkilkati aliyə şura prinsipon əsos, ımsor çı İmom Xomeyni(r)-i imdod kumitə səmtiku 500 həzo ko icod bəbe.

İmom Xomeyni(r)-i imdod kumitə ko baxşi muavin işorəş karde ki İroni muxtəlifə ostanonədə, ko planon iyən şivəon təbyin iyən əməli kardeyro, ım icloson bərpo bey lozim iyən vey təsirine.

Əv ijən əlovəş do: dəvardə sori muğaisədə, Qilonədə İmom Xomeyni(r)-i imdod kumitə sımtiku ko fırsəti icod kardey miğdor, təğribən 2 bərobər bıə ki ın ostanədə 22 həzo ko fərsəti icod kardey bois bıə.

İmom Xomeyni(r)-i imdod kumitə ko baxşi muavin ijən əlovəş do: Qilonədə ko icod kardeyro krediton miğdori ımsor 1200 milyard ixtisos doə bəy ki dəvardə sori muğaisədə təğribən 3 bərobər əlovə bey nışo doydə.