Talış şəhrıstoni 5o faiz bicoronədə tum kaştey əncom bıə.

Əzizə duston səlom, şıməro bərəkətinə jimoni urzu kardəm, dəvət kardəm de Tolışi Rədio bə ico bımandəm və bə ımrujnə xəbə reportaj baxşi quş bıdənən.

Mehribonon xəbə omə ki Talış şəhrıstoni 5o faiz bicoronədə tosə bə ısət tum kaştey ko sə bəy.

Bə İRİB raporti əsos, Talış şəhri Fərmondar ım şəhrıstoni bicorə zəminonku vindemon kardeyədə cərəyonədə votışe: tosə bə ısət, ım şəhrıstoni fermeronku 50 faiz ıştə bicoronədə tumi kaştəşone ki çəvonku 14 həzo hiktor de maşini əncom bıə.

Kiya Aşuri bə Talış şəhrıstoni 98 faiz bicoron şum jəey işorəş karde iyən əlovəş do: bə proqonozon əsos, ım şəhrıston de ovi nırəse muşkilaton dim bə dim ni iyən ovi cəhəto, çokə vəziyətədəy.

Əv ijən əlovəş do: Talış şəhrıstonədə, 11 qılə əsliyə ru heste ki çəvonku 100 qılə ruyəqəvon de ovi pur bıə.

Əlovə kəmon ki tojədən İslami Şura Parlamentədə bıə Talış, Rizvonşəhr iyən Masal tolışə xalği nımoyəndə həm işorəş kardə be ki: ımsor Talış şəhrıstoni kaştemon baxşədə, zəminon təchiz iyən mexanizasiya əbzaron istifodə kardeyro, 1 həzo 200 milyard tımən budcə ixtisos doə bıə.

Həsən Muhəmmədyari əlovəş do: çəmə səyo cəhd ıme ki vəoməy soronədə bə ruyəqəvon iyən ovə çoləonku ovi bekardey məsələ çimiku vey diğğət bıbu.