400 milyard dollar çı Rusiyə əmtəə İroniku tranzit bey intizorədəy.

Mehribonon səlom, şımə ruj bə xəyr bıbu, ımrujnə xəbə baxşi dəvomədə həm co qılə reportaji bə şımə xıdmət təğdim bəkamon, dəvət kardəm dəmə bə ico bımandən.

Əzizon, İroni qomroki muavin votışe: Rusiyə iyən Ukrayna kişvəron miyono canqiyə vəziyət iyən hodisəon bəpeşt, ısət Rusiyə kişvəriku əmtəə və məhsulon tranzit, bo Qilon qıləy çokə fırsət icodış kardə ki ticarət baxşədə karde bəzne İroniro vey çokə təhəvolaton bois bıbu.

Bə İrna raporti əsos, İroni qomroki muavin Muhsen Cəlvati Qilonədə bıə qıləy iclosədə votışe: bəpe Avrasiya ittifoğiku komil surəti istifodə kəmon iyən 13 minnə dıvləti muhimmə hədəfonku qıləyni ıme ki reqional təvafuğnoməonku istifodə kardey jintonədə iğtisodi inkişof bıdə.

Əv ıştə sıxənon idomədə bə Şimol-Cənub karidori vey muhimmə roli işorəş karde iyən əlovəş do: ısət, Rusiyə kişvər 400 milyard dollar əmtəə və məhsulış heste ki İron İslam Respublikaku əvoni tranziti kardey tələb kardedə.

İroni qomroki muavin ijən votışe: həminə koy bə vırə rosniyeyro marzonku qıləyni ki nəzə dəqətə bıə, Ostoro marze ki bəpe bə həminə hədəfi dast peydo kardeyro Ostoroku bə Rəşt səmti reylz xətton həm komil kəmon.

İroni Ostoro sərhədd, zəmini, dıyo iyən reyls cəhəto reqional ticarət iyən tranzitədə fəaliyət kardeydə.