Havzə Qilonədə şifoəbaxşə şirə; Anqibini fəsl bino be.

Əzizə Tolışon, Rədio muxatəbon, jığo proqonoz bıdə ki ımsor Qiloni meşəvonon, 5 həzo ton anqibin istehsol kardən.

Bə Qiloni Tele-Rədio aqentiyəti raporti əsos, Qiloni ditəsərrufat cihod idorə moləvonəti istehsolon çok kardey muavin votışe: Qiloni 348 həzo 322 kandıonku vey bəharə anqibini qırdə karde iyən istehsol bino bıə.

Mir Huccət Əli Əkbərnejad, bə Qilonədə 5 həzo 23 meşəvoni bə anqibini istehsoli məşğulin bey işorəş karde iyən əlovəş do: proqonoz bıdə ki ımsor Qiloni meşəvonon, 5 həzo ton anqibini qırdə kon.

Əv ijən əlovəş do: Bəharə anqibini istehsoli bəpeşt, meşəvononku kalion deştə kandıon bə qıyə barde əcumlə bə Masal, Siyahkəl, Rudsər və Rudbari bandiyə məntəğəon bəşen ta həminə xoşə ov-həvoş bıə vırəonədə, tovıstonə anqibini istehsol bıkon.

Mir Huccəte Əli Əkbərnejad həmçınin işorəş karde ki dəvardə sorədə, Qiloni meşəvonon çı anqibini istehsol iyən həvote royku, 4 milyardo 600 milyon ton bəromə kəsb kardışone.