İron və Azərbaycan Respublika mediya həmkarətion inkişaf doe roon barədə muzakirə be.

De Azərbaycan Respublika mətbuat şura uzvon Azərbaycan Respublikaədə bə ironi səfiri iclosədə İron İslam Respublika və Azərbaycan Respublika mediya həmkarətion barədə muzakirə dəvarde.

Boku şəhriku bə telerədyo nımoyəndeqi elanon əsosi ım iclosədə Azərbaycan Respublikaədə bə İron İslam Respublika səfir Cəvad Cəhanqirzadə bə 2 qılə məmləkəti mıştərəkə mədəniyə məsəlon iyən çokə əlağə işarəş karde və votışe: bəzion 2 qılə məmləkəti çokə əlağon inkişafışon pidə ni ısət ki mediyaon Tehron və Boku əlağon inkişaf doeyu əsosə rolışon heste.

Cəhanqirzadə islamiyə məmləkəton aqentətion itifaği təşkil doeku istiğbalış karde həmçinin Kaspi deyo ətrofədə bə məmləkəton itifağiku işarəş karde və ixtisadiyə baxşon inkişaf doeyu bə Tehron və Boku həmkarətion işarəş karde.

Cəhanqirzadə 2 qılə məmləkəti osınə ro bə iyandı rosne barədə bə 2 qılə məmləkəti fəaliyyəton işarəş karde ki şimal-cənub ro çərçivədə təşkil bedə iyən de mıştərəkə həmkarəti maşin soxte həmkarətionku işarəş karde iyən Azərbaycan Respublikaədə dəmon soxte mərkəzi bino karde və Boku şəhrədə noxəşxonə eje barədə sıxanış karde və bə mediyaon rol jıqo həmkarətion həxədə məlumaton hozzı karde həxədə işarəş karde.