Qiloni rifohi iyən məskuni vırəonku Nəvuzə İdi musafiron istifodə vey bıə
Qilon ostani təhsil idorə muavin votışe: tosə Fərvərdinə manqi 4 bə 9 həzo ailə nezi Qiloni təhsil idorəon rifohi iyən məskuni vırəonku istifodə kardəşoneş
Bə Tolışi Rədio raporti əsos, Huseyn Zerehkareqər həminə statestikaon çı dəvardə sori muğaisəku vey beyku xəbəş do və votışe: musafiron veyni bə Rəşt, Ostoro iyən Ənzəlo omən.
Əv əlovəş karde: ımsor 194 qılə məktəbxonə de 1187 otağ Nəvuzə İdi musafironku mizbonəti kardeyro hozzı bıə.
Qilon ostani təhsil idorə muavin votışe: 11 qılə rifohi mərkəz de 140 qılə suiti və 512 təxt həm Lahicon, Tolış, Kumlə, Rizvonşəhr, Fumən, Ənzəli, Rəşt iyən Ostoro nəzədəqətə bəy.
Tosə dəvardə sori Nəvuzə İdi oxo, bə 16 həzo ailə nezi çı Qilon ostani təhsil idorə məktəbxonə iyən rifohi mərkəzonku istifodə kardəşone.