Ostoro marziyə ğıvvon mərkəzədə kərimə Ğıroni məclis bərpo be.
De mıbarəkə rujə manqi dəme mınosibəti Kərimə Ğıroni nazil bə manqədə rujə əqətə marziyə ğıvvon de Kərimə Ğıroni ons məclisışon Ostoro marziyə ğıvvon mərkəzədə bərpoşon karde.
Bə Qilanı telerədyo aqentəti xəbon əsosi Ostoro marziyə ğıvvon fərmondə de Kərimə Ğıroni ons mənəviyə mərosimədə votışe: mıbarək rujə manqi, kərimə ğıroni nazil bə manqi Ostoro marziyə ğıvvon kadron bə vəhy kəlomi təvəsul kardeədə iyən veyə oroməti xoto ıştə məmoriyəton əncom doeyu nakonəsə zumand qəm pebəqəten.
Polkovnik Hadi Ğasımi ,inğilabi yolə rəhbəri kərimə Ğıroni fəaliyəton inkişof doeyu bə xususiyə təkidon işarəş karde və votışe:cəhd kardəmon de Kərimə Ğıroni icloson nakonəsə ve Kərimə Ğıroni novraniyə ayəonku bəhrə bıbəmon.
Im mənəviyə mərosimədə ilahiyə kəlomi novraniyə ayəon təlovət bin.
