İğbol Əbilovi dastqirəti məhkum kardeyədə, Tolış şəhrıstoni iştimoiyəti və mədəni əktivə şəxson bəyoniyə
Tolış şəhrıstoni iştimoiyəti və mədəni kali fəalon de Buko hukuməti vositə, Tolışi mədəniyət və torixi sahədə mıhəğiğ, İğbol Əbilivi dastqirəti etırozədə, qıləy bəyoniyə muntəşir kardışone.
Bə Tolışi Rədio raporti əsos, ım bəyoniyə ibaxşədə omə: Azərbaycan Respublika mediya şəbəkəonədə Tolışi cıvonə Tolış şınos və təhğiğəkə, İğbol Əbilovi dastqirəti xəbə, Tolış zıvonon siyosi və mədəni fəalon və ım işvəri kali insoni həxon fəalon tənğidonku qıləy ləpə icodış kardə. Anədə ki Azərbaycan Respublika Tolışon ki ıştən Buko hakımiyəti səmtiku de şiddətin təziği jiədə hestin, niqəron kardəşe ta İğbol Əbilovi tale bənə professor Novruz Əli Məhəmmədov və çəy fərzəndon iyən doktor Fəxrəddin Abbaszodə, Buko zindonədə kıştə bey bıbu.
Tolış şəhrıstoni iştimoi və mədəni fəalon bə İğbol Əbilovi ələyh ittihomo beəsos zınəşone ijən təkidışon kardə: İğbol Əbilovi yeqanə qıno Tolışi milli akademiyaədə təsirinə fəaliyət və uzv bey, torixi şəxsiyəti barədə elmi jurnali muntəşir kardey və Tolışon İronıjə rişə barədə aqahəti rosniye bə hisob omeydə.
Im bəyoniyə ijən Azərbaycan Respublika bevəcə hərəkəti məhkumış kardə iyən Buko devləti İğbol Əbilovi səloməti oqətey məsul zınəşe və təsdiğış kardə: İroni İslomi sivilizasiya nışonəon məhv kardeyro Əliyevi xanedoni çand milyon dollarə xərcon iyən hərəkəton, de şəxsiyətoni bənə İğbol Əbilovi məhv kardey bə nəticə nibərəse.