Rusiyə siyasətçi votəşe şəhid Laricani vətənpərəst,siyasətçi və stratejist be
Bə Pars Tusey xəbəron əsosi Rusiyə fdrasiya rəisi şura kamisiya uzv milləton miyonədə bıə əlağon iyən fəoliyyətonədə nımayəndə votəşe: şəhid Laricani qıləy vətənpərəstə mıboriz, təcrubəş bıə siyasətçi və yolə stratejist be.
Bə Pars Tusey xəbəron əsosi İsmail Şabanov zinə de İRNA təşkil doə votımonədə ki de ironi milli əmniyyəti aliyə şura yol Əli Laricani şəhodəti 40 minnə ruji mınosibəti təşkil bə votışe: rusiyədə şəhid Laricani bənə qıləy yolə siyasiyə şəxsiyyət iyən mıhəğğiğə alim zındən və çəyru ehtırom nəzədə qətedən.əv əlovəş karde əmə şəhid Laricani bə islomiyə inğilobi hədəfon vofodorə siyasətçi unvanədə zındəmon .Rusiyə ım eksperti votışe: Laricani beynəlxalğə nizomədə hərəkəton və koon ədolətin beyu bə çan cəhətinə ğıvvon və fikron əsosi qıləy dınyo icod be tərəfdor be və vote bəznemon ki əv tosə ıştə umri oxo ironi faydonku muhafizəş karde.İsmail Şabanovi dəvomədə votəşe: şəhid Laricani ıştə məsuliyyəti devranədə islomiyə şura məclisi rəis və milli əmniyyəti aliyə şura yoli unvanədə fəolə holətədə Rusiyə və ironi rabitəş inkişofış do.Əli Laricani 1404 nə sori esfəndə manqi 26 nə ruji qıləy dıroz mıddətə mıcahidət və İron İslom Respublika inkişofi roədə xıdmət karde bəpeştə amerkə-siyanistiyə deşmeni tərəfo bə şəhodət rəsedə.
