Qilonıjə xeyriyyəçi 30 həzo kitobış hədiyyə kardə.

Qiloni Milli Kitobxonə sər direktor de qıləy Qilonıjə xeyriyyəçi təvəssıti ğıymətinə xəzinəku bıə 30 həzo kitobi Rəştədə bə Şəhid Ayətullah Rəyisi mərkəzi kitobxonə hədiyyə kardeyku xəbəş doə.

Bə Qiloni Tele-Rədyo Xəbə Aqentəti məlumoti əsos,Yasir Təğa votəşe:ın kitobon bənə kitobi hədiyyə kardey bıə ğəşənqə traditsiyə əsos,çe Seyd Huseyn Mirməclisi tərəfiku baxşey bıə və çəvon dılədə mıxtəlifə ədəbi,torixi,dini kitobon,məğalə və nəşron,mıxtəlifə şərhon heste.

Əy əlovəş kardə:ın erjinə xəzinə çe İron,İslom və dınyo mədəniyyət iyən sivilizasiyə,torıx,coğrafiyə, ədəbiyyot,fəlsəfə,hikmət,siyosət,mistisizm(irfon),milləton iyən beməyon,fırğəon iyən partiyəon, luğəton,mıxtəlifə sahəonədə vey rəğəmin və ranqarənqə kitob və nəşron və ensiklopediyəon, Kərimə-Ğıroni mıxtəlifə farsi tərcuməon və təfsiron və İslomi torıx və çe şiə məzhəbi mıxtəlifə sahəon,torıxi mətnon və çe əvvəliku tobə ısət metəbərə farsi elmi və ədəbi jurnalon mevcude.