Haağadə bo İğbal Əbilovi ozodəti tələb kardə bıə

Sentyabri 7-də Azərbaycani Niderlandi Haağə şəhərədə səfarəti vədə, Bokuədə dastqir kardə bə

Haağadə bo İqbal Əbilovi ozodəti tələb kardə bə
Sentyabri 7-də Azərbaycani Niderlandi Haağa şəhərədə səfarəti vədə, Bokuədə dəstqir kardə bə, Azərbaycanədə milli kamon, əz cümlə de tolışon band tədğiğat bardə alim İqbal Əbilovi dəstək aksiya dəvanə bə.Aksiya tədğiğatəkə duston iyən həmkoron tərəfo təşkil be votə bedə.Aksiya iştirakəkon Azərbaycan hakimiyyətiku təğibon oğəte iyən İqbal Əbilovi ozod karde tələbşon kardə.Əvon tədğiğatəkə mudafiə ro petisiyaya imzo qırd karde dəvom kardəşone.Im bo İqbal Əbilovi dastəki ro Avropada dəvonə seminə aksiye.Avqusti 6-də Azərbaycani Vilnyusədə səfarəti, avqusti 31-də Berlinədə səfarəti vədə İqbal Əbilovi ozodəti band aksiya dəvonə bən. İqbal Əbilov iyuli 22-də dəstqir kardə bə. Bo sıftənə istintağe əçe barədə 4 manq ğətmko tədbir vıjniyə bə. Əçe məhkəmə iyən apelyasiyə koon həmmə bastə bardə bedən.Əv,de Azərbaycan Cinayət Məcəllə 274- (bə devləti xəyonət), 281.3- (de xarici təşkilaton və ya çəvon numayəndon asparde bə dövləti əleyh vanq) iyən 283.1- (milli, irqi, sosial və ya dini nifrət iyən deşmenəti eğande) maddon ittihom bedə.İqbal Əbilov ın ittihomon rədd, de elmi fəaliyyəti məşğul be bəyon kardedə.