Apellyasiya Məhkəmə Bəhruz Səmədovi mənzılədə beğanuni əməli ro şikatış rədd kardə

Sentyarə manqi 11-də Boku Apellyasiyə Məhkəmə tədğiğatəkə Bəhruz Səmədov mənzılədə beğanuni əməliyyat bardə be ro doə şikatiş diə kardə. Apellyasiə məhkəmə, Səbail Rayon Məhkəmə 5 sentyabr tarıx doə ğərorış zuədə oğətə. Bın barədə Bəhruz Səmədovi vəkil Zibeydə Sadığova bəyonış kardə.

De vəkili sıxanon, Səmədovi mənzılədə məhkəmə ğəror nıbə, Səmədovi ıştən ya əçe vəkili iştirok nıbə əməliyyat bardə bə.Bın əməliyatədə əçe kəyku əçe mobil telefonon, kompyuter iyən əlidə çiyon peğətə bən. Dın koy əlağədar, mudafiə tərəf əməliyyat protokoli ğanuni nı be hisob karde iyən peğətə əşyon oqordone tələbış kardə.
Mudafiə tərəfi bə Avropa İnson Huğuğon Məhkəmə təğdim karde ro Səmədovi dəstqirəti iyən bə ğanuni zidd əməlon ro şikat hozzo karde vəkili ğeydış kardə.
 Avqusti 21-də Səmədovi mənzılədə bardə əməliyatədə əçe kompyuteron, telefonon, diplom iyən kitabon musadirə kardə be barədə əçe nənə məlumatış doə.
Səmədovi ıştənən avqusti 21-də qətə bə, dı ruj bə peş məhkəmə əvış de bə devləti xəyonət ittihomi  bo sıdftənə istintağe ro bə 4 manq mıddət dəstqirış kardə.
Avropa İttifoğ iyən əlidə təşkilaton de pasifist nəzəron məşhur bə Səmədovi təğib məhkumşon kardə. Səmədov Ğərb informasiya vasiton iyən analitik nəşronədə bə Azərboycon hokimiyyəti ədres tənğıdi məqal iyən şərhon dərc zınə bedə. Əv, OC Media nəşri iyən https://bakuresearchinstitute.org/- sayti xıvande.
Nav Bəhruz Səmədovi iyuli 22-də Bokuədə tolışə alim İqbal Əbilov
qətə bəbe. Məhkəmə əçe barədən bo sıftənə istintağ mıddəti ro 4 manq dəstqirəti cəzo hokmuş doə. Bə Əbilovi doə se ittihomonədə qılıən bə dövləti xəyanət ittihome, diyə məkəmon ki, əçe fəaliyyət iyən ko Belarusədə bə.