Dəvardə 20 ruji mıddətədə, 2 həzo nəfərisə əlovə bə Qilon varid bıən

Qiloni nəcimə sənaye iyən turizm və mədəni irson mudir, Vəli Cəhani votışe: Şəhrivərə manqi iminnə rujiku tosə ısət, 2 həzo 459 nəfər xarıci turist bə Qilon səfə kardışone kə 80 fayiz ım mısofironku İraği əholi bin.

Vəli Cəhani ijən ımsori əvvəliku bə Qilon ostani 23 fayiz xarıci turiston daxil bey əlovə beyku xəbəş do iyən votışe: ımsori əvvəliku tosə ısət, 15 həzo 396 nəfər xarıci turist bə Qilon səfə kardışone ki çəvonku 80 fayiz İrağıjə turist və co qılə turiston Azərbaycan, Çin, Rusiya, İrlandiya, Hollandiya, Livan, Əfğanıstan, Səudiyyə Ərəbiston, Liviya, Suriyə, Tırkiyə və Pakistan kişvəronku bin.