Prokurori bo navkonə deputati 9 sor cəzo ko piəşe

Dəstqirətiədə bə navkonə deputat, biznesmen Nazim Bəydəmirli koy ro məhkəmə istintoğ bə orəx rəsə.

Boku Qonə Cinayəton Məhkəmədə sentyabri 16-də dəvardə məhkəmə prosesədə prokurori bo əy 9 sor ozodətiku məhrum kardə cəzo doe piəşe.
Hakim Fərid Namazovi bəyonış kardə ki, həmmə zərərkəşəyon iyən şoydon damə kardə bən, ko materialon tədğiğ bən, əve məhkəmə istintağe bə orəx je təklifış doə. Əmmo Nazim Bəydəmirli bimi etirozış kardə, koy ədalətin tədğiğ be ro xeyli vəsatəton doə bıbonən, diə kardə nıbe votəşe.
Nazim Bəydəmirli, hətto məhkəmədə ıştə huğuğon darışte etiroz mudafiəkuş imtino kardə. Bəydəmirli iqlə vəkili huğuği xıdmətiku ne, mudafiə prosesikuş dırıs imtino kardə. Çumçoko joğo məhkəmədə mudafiə hiç qılı əhəmiyyətış nı be iddioş kardə.
Hakimi bəçe nəzəş rosniə ki, de ğanuni tələbi, əv mudafiəku imtino karde əzıni.
Bın səbəbən əçe mudafiəku imtino ərızə ğəbul bə ni.
Peşo məhkəmə istintağ təmom kardə bə, prokurori qəpış jə.
Prokuror bo Nazim Bəydəmirli 9 sor ozodətiku məhrum kardə cəzoş piə.
Peş prokurori bə vəkil bo müdafiə qəpi hozzo karde ro fəxt doə bə. Məhkəmə vəyoməyonədə istə koy dəvom bəka. 
2005-2010-minə soronədə  104 numrəninə Qədəbəy-Tovuz səçın ki məntəğonku çe Milli Məclisi deputat bə Nazim Bəydəmirli 2023 minə sori iyulə manqi 4-ku dəstqirətiədəy. Əv ıştəni ponə sori Qədəbəy rayoni Seyudli diədə qınə hadison ğıbon hisob kardedə.