De Ozərbaycani osonə ro mıbodilədə 16% ziyodəti

Şimol 2 Osonə Ro sər direktori de Ozərboyconi osonə ro moli mıbodilə 16% ziyodətiku xəbəş doə.

Bə Qiloni Rədyo və Televiziyə Xəbə Aqentəti doə məlumoti əsos,Ğulamhuseyn Vələdi votəşe: Imsornə sori 6 manqədə Ostoro Osonə Ro terminalədə hamsuyə Ozərboyconi kişfəri bə ponə sori nisbətədə 373 həzo toniku ziyodə moli mıbodilə bardə bıə ki,ım həm təxminən 16% ziyod bıə. Əv,cari sori 6 manqədə bə osonə ro idxal bıə molon həcmi 144 həzo 800 ton beyış bəyon kardə və əlovəş kardə:ım idxal 95 həzo 976 ton bıə de ponə sori mığoyisədə təxminən 51 fayiz ziyod bıə.

Şimol 2 Osonə Ro sər direktori bın mıddəti ərzədə Ostoro Osonə Ro terminaliku 74 həzo toniku ziyodə bo ixrac beyış bəyon karde və voteşe:bə 154 həzo toni nezi şələ tranzit dəvardə.Şimol 2 Osonə Ro sər direktori ımış həm ğeyd kardə ki,de Osonə Ro bə Ozərbaycan bardə bıə əsosə ixraci molon de sitrus meyvəon bə ico bıə har cur miyvə,sement,kimyəvi maddəon,xorəki nemek,ğabon və qranit beyış vote və əlovəş karde:çu,taxtə-şalbon,məkə,məju,ordə,ərzən iyən cəv,çe Ostoro Osonə Ro terminaliku tranzit və idxal bıə vey muhimmə molonku bıə.