Cəsusi lonə zəbt kardey, inğilobi biməş kardə

Rəşti cımə İmom: İroni mıosirə torixədə, Abanə manqi 13 minnə ruj, 3 qılə yolə hodisə bə yod vardə ruje,

Cımə rujədə, Cımə nımoji xutbəonədə, Rəşti cımə İmom de işorə bə Abanə manqi 13 minnə ruj yəni de beynəlxalğə istikbori mubarizə bardey milli ruj votışe: İroni mıosirə torixədə, Abanə manqi 13 minnə ruj, 3 qılə yolə hodisə bə yod vardə ruje, Həşi 1357 minnə sorədə bə şoqirdon və ali məktəbi tələbəon həmlə kardey, de kapitulasiyon loyhə muxalifəti elon kardey  xoto, Həşi 1343 minnə sorədə bə Tırkiyə Həzrəte İmom Xomeyni(r)-i dərbədər kardey və Həşi 1358 minnə sorədə Amerkə cəsusi lonə zəbt kardey

Ayətullah Fəlahəti de bəyon ım ki cəsusi lonə zəbt kardey inğilobi biməş kardə iyən deşmonon xəbisə planon be nəticəş kardə və İroni milləti bənə şucaə millət bə həmmə dınyo məlumış kardə, əv ijən əlovəş kardə: İroni millət deştə etığodi vositə, ijən tosə oxo, istikborə Amerkə vədə muğavimətiş kardə.