Polisi Likədə şodmonə sarayəda i kəsış kışte
Dılətonə Koon Vəzarət 53 sininə Şaiq Ağayevi bə polisi silohinə mığaviməti ro kışte iddio kardə.
Polisi Likədə şodmonə sarayəda i kəsış kışteDılətonə Koon Vəzarət 53 sininə Şaiq Ağayevi bə polisi silohinə mığaviməti ro kışte iddio kardə.Likədə polison 1971-minə sor təvəlludin Şaiq Ağayevşon de qullə je kıştə. Hodisə noyabrə manqi 3-də çoştəse qınə.Dılətonə Koon Vəzarəti Mətbuat xıdməti doə məlumotəda iddio bedə ki, hodisə Liki şodmonə sarayon qılıədə qınə. 53 sininə Şaiq Ağayev de silahi bə, insidentış eğandə. Əv qətə fəxt bə polison silahinə mığavimətış kardə:“De vində tədbiron, silohinə xonəxo xıdməti tabel silohiku bezərər kardə bə. İ polis komand yarə jə bə. Hodisə vırədə “Makarov” markaninə tapınçə oşko kardə, mısasdirə kardə bə. De fakti band tədğiği ko bardə bedə”.De pevolo bə məlumoti, Şaiq Ağayevi dastqirətiku mıddəti bə nav ozod be votə bedə:“Əv istə boə Fizuli kədə bə. Polison əçey vırə barədə məlumotşon omutə, əyo dəro qınən. Bə insidenti səbəbən əçeku siloh be bə”.Oxonə fəxton Likədə əhali miyonədə polisonku ciddi noroziəti be votə bedə. In noroziətiyon Ramil Mustafayevi bə Lik Rayon Polis Şebə rəis təyin kardə bə peş həniən ziyod bən: “Aspə ərəbə nışə diyonədə Post-Patrul maşinon bə odəmon ruj dodənin. Bə xeyli odəmon sutəkəninə dastqirəti cəzoşon doə, pul sə bə peş ozodşon kardə. Camaat bə istə kə cucələ se, barde zındəni, roədə maşinon polis tərəfo oğətə, rışvə sə bedə. İnsonon bə xırdə rosnə bən”.Tolışi zonə insonon ğəribə məholiku omə rəhbər xonəxon tərəfo oçone şe-şe zumand bedə.
