Bə Mehdi Xəlilbəyli şərti cəzo doə be

Bo Musavat Partiya uzv, xeyli mıddət Almaniyada muhacirətədə jiyə və 2024-minə soril fevralə manqi sıftədə bə Azərboycon oqardə fəxt Boko həvo portədə qətə bə Mehdi Xəlilbəyli noyabri 6-də hukm handə bə.

Boku şəhər, Səbail Rayon Məhkəmədə bekardə hukmədə, bə Mehdi Xəlilbəyli de 2 sor sınağ mıddəti təyin karde, 3 sor şərti cəzo doə be votə bedə. Bə əçey vəynə de Cinoyət Məcəllə 127 (ğəsdo bə xəşəti qonə zərər je), 220 ( iğtişaşonədə iştirok karde), 315 (bə hakimiyyət numoyəndə mığavimət nuşu doe və ya zu tətbiğ karde) maddon ittihom bə nav doə bəbe.
Mehdi Xəlilbəyli 2003-minə sor 15 oktyabrədə dəvonə prezident səçınon anqıl etirozon ittihom kardə bedə be.
Dın ko band cinoyəti ro 13 kəs bənə zərərkəşəy zınə bə. Çımonədə qılıən həmonə fəxt “Lider” telekanali muxbiri bə Sahil Kərimliye.
Mehdi Xəlilbəyli Musavat Partiya Avropa Koordinasiya Mərkəziən uzv bə. 5-6 sor bə nav əçe nomən muhacir savdıədə dəvarde ro, 2019-minə sori Almaniyada de beğanuni miqrasıya ittihomi dastqir kardə bəbe. Əmmo 2020-minə sori yanvarə manqədə bə ozodəti vadoə bəbe.