Qiloni ali məktəbədə, Rusi zıvoni beynəlxalğə 2minnə konfransi ko bə oxo rəsə

Bə Avrasiya nəzə iyən İronədə Rusi zıvoni mıvğiyəti beynəlxalğə 2minnə konfrans de 100 qıləku vey elmi məğalə nışo doey ki Qiloni ali məktəbədə de nıtğ və puster surəti əncom bıə ıştə ko bə oxo rosnişe.

Bə Qiloni Tele-Rədyo aqentəti raporti əsos, ım konfransədə Rusi zıvoni beynəlxalğə konfransi rəyis votışe: 125 qılə məğalə ki daxıl iyən xarıciku bə ım konfransi katibxonə vığandə bıə bin, 101 qılə məğalə vıjniyə bıən ki çəvonku 84 qılə məğalə, daxıli ali məktəbonku iyən 17 qılə məğalə həm Avrasiya və kaspi baxşi muxtəlifə ali məktəbonku bin. 

Doktor Muhəmməd Dostar ijən əlovəş kardə: ım konfransədə, Kaspi iyən Avrasiya baxşonku 13 qılə və daxıli ali məktəbonku 10 qılə ustad iştirokışon heste be.

Qiloni ali məktəbi Rusi zıvoni qrupi mudir, Xanım Suinç Məhdixanli həm ki ım konfransi elmi kotibi məsuliyət, bəy ehdə be, votışe: holıhazırədə Qiloni ali məktəbədə, 200 nəfərisə əlovə ali məktəbi şoqird, Rusi zıvoni omutey holədən.

Milodi 1401 minnə sorədə, Qiloni ali məktəb bə Avrasiya nəzə iyən İronədə Rusi zıvoni mıvğiyəti iminnə beynəlxalğə konfrans, de virtual surəti bərpoş kardə be.