Bə muğaviməti cəhbə, Masal şəhrıstoni milləti koməkon

Masali millət, bo Ğəzzə və Livani milləti komək kardeyro 1 milyard tomənisə əlovə təğdim kardışone.

Bə Qiloni Tele-Rədyo aqentəti raporti əsos, Masali cımə İmom, Huccətul İslom vəlmuslimin, Seyd Hadi Musəvi votışe: bo Fələstin və Livani muğaviməti komək kardeyro de Həmdılə İroni kampaniya bərpo kardey vositə, Masal və Şanderməni koməkəkə millət həm 300 milyon tomən pul iyən 24 qılə telı de 272 milyon tomən erj bə Livan və Ğəzzə zılm vində millət təğdim kardışone.

Masal şəhrıstoni cımə İmom ijən bəyonış kardə ki ım koməkon de Masal şəhrıstoni cımə nımoji ğərorqo, İmomi imdod komitə, Sıə Ovşuməpoə iyən ım şəhrıstoni rəzməndeqane islomi heyət qırdə bıə, əv ijən əlovəş kardə: cəmədə Masal və Şanderməni millət, bə Ğəzzə və Livani millət, 1 milyardo 34 milyon 69 həzo tomən puli iyən ğəyri puli koməkon əncom doşone.