Şəki polisi ıştənbəsətiyon

Şəki rayoni əji Huseyn Seyidzodə Şəki Şəhər-Rayon Polis Şebə Sarıca Polis xonə rəis Bayram İsmayılovi tərəfo bə təhdidon məruz mande, oktyabri 22-ku tosə 25-i polisxonədə ğeyriğanuni oğətə, əyo kuə be bəyonış kardə

Şəki polisi ıştənbəsətiyonŞəki rayoni əji Huseyn Seyidzodə Şəki Şəhər-Rayon Polis Şebə Sarıca Polis xonə rəis Bayram İsmayılovi tərəfo bə təhdidon məruz mande, oktyabri 22-ku tosə 25-i polisxonədə ğeyriğanuni oğətə, əyo kuə be bəyonış kardə. De əçey sıxani, “Hyundai Grandeur” markaninə avtomobili təcili həvate, puli bə polis rəisi doe məcbur bə. Əmmo rəis əçe 8 hektar nim zəminiən tələb kardə.Huseyn Seyidzadə votedə ki, əqəm ın ko tədğiğ kardeşon bıpiyo, de telefon anten məlumoton, videokamera nıvıştəyon ımoni təsdığ karde bə be.Huseyn Seyidzodə zəmini Oğuz rayon əji Şərif Mahmudoviku sıftə bə 3 həzo mənot 1 sorinə icarə, peşoən bə 50 həzo mənot de sənədi hıriye votedə. Çın zəmin hıriye təxminən 2 manq bə peş – oktyabri 22-də əv bə Şəki rayoni Turan ğəsəbə, Sarıca polisxonə vanq kardə bə.Polisxonədə rəisi əçe Oğuzədə hıriyə zəmini puli nısənə bə dumo oqordone tələbı rozi nıbə bə peş de rəis, əçe muavin iyənə əlidə polison iştirakı kuə, təhğir kardə bə. Oktyabri 25-də əçe de polis rəisi sehbətədə, əçeku 100 həzo mənot pul tələb kardə bə. Bayram İsmayılov ənəndə puli doe imkon nıbe voteədə hojo rəisi otağədə 3 saat bə işqəncon məruz mande, maşini həvate, əçe puli bə rəisi doe məcbur be iddio kardedə.Əv, polis rəis, əçe muavin iyən bın koədə iştirok kardə əlidə polisonku bə Dılətonə Koon Vəzir Vilayət Eyvazovi, Sər Prokuror Kamran Əliyevi, həmən bə Prezident İlham Əliyevi şikot namə bıvğandoən hiç qılı nəticəş bə ni.