Amerika konqresmeni bə Azərboycon hakimiyyəti “zolim rejim” votəşe
İbemonə Milləton Təşkiloti İğlim Deqəşəti ro Çərçivə Konvensiya uzv keşvəron Bokuədə dəvardə 29-minə konfransi umjən qınə Amerika İbemonə Ştaton konqresmen Frenk Pellonini (Frank Pallone) Azərboyconi Prezident İlham Əliyevi ğəbul kardəş ni.
Amerika konqresmeni bə Azərboycon hakimiyyəti “zolim rejim” votəşeİbemonə Milləton Təşkiloti İğlim Deqəşəti ro Çərçivə Konvensiya uzv keşvəron Bokuədə dəvardə 29-minə konfransi umjən qınə Amerika İbemonə Ştaton konqresmen Frenk Pellonini (Frank Pallone) Azərboyconi Prezident İlham Əliyevi ğəbul kardəş ni.Noyabri 16-də İlham Əliyevi i dastə amerika konqresmenon ğəbul bıkoən, Pellonini nom çe siyahiku bekardə bə.Hokumət media imi de ,Pellonini ermənipərəst mevğe qəte anqıl kardə.Çəvon doə xəbonədə votə bedə ki, Pelloni çandi-çand sorone anti-Azərboycon təblığat bardə, oj-oşko Ermənistoni marağon təblığ kardə, ğeyriğanuni bə Azərboyconi işğalədə bə ərazionış səfər kardə, Amerika İbemonə Ştaton hokumətış bə Boku vəynə sanksiyan noe vanqış kardə.Noyabri 17-də i dastə hokumətpərəst Ğeyri Hokumət Təşkiloti numoyəndon konqresmeni mandə “Park Bulvar” oteli vədə etiroz aksiyaşon dəvonə, əvşon anti-Azərboycon fəaliyyəti ro tənğıd kardə.Ğərəz Pelloni, senator Edvard Markeyən (Edward J. Markey) Bokuədə tənğıd kardə bə.Peş bın tənğıdon Pelloni iyən Markey Azərboyconiku bə Amerika oqardən.Bə Amerika oqardə konqresmen iyən senatori bə ico mətbuat konfrans dəvonəşone.Pelloni bəyonış kardə ki, de Azərboycon hokuməti sponsorəti dəvonə bə etiroz aksiyon umjən qıniyəyon həm COP29 dəvonə məkonədə, həmən çəvon mandə otelədə bəy hucumşon kardə.Əy, de Devlət Departamenti iyən muhafizəkon koməki fiziki xəsorətiku xilos be iddioş kardə.Konqresmeni ğeydış kardə ki, Azərboycon hakimiyyəti bəy hucum hiçən təsadufi ni, çumçoko əy, daima məntəğədə bə sulhi vanqonış kardə, bə Azərboyconi hərbi təxribaton iyən Bandə Ğaraboğədə etnik rıtəy vəynə bə.Konqressmeni istə bəyonnomədə, Azərboycon hakimiyyəti , İlham Əliyevi hətto bastə dərvazon peştoən de erməni mərdumi huğuğon band vanqon məse nıpiye votəşe.Pelloni ıştə “X” hisobəda nıvıştəşe ki, Əliyev Bokuəda çəy və se hərəkət bıkoən, əv mıbarizəsiku onıbəpırtiye.Konqresmen bə Azərboycon hakimiyyətış “zolım rejim” votə, de Əliyevi vindemoni icozə doə bə həmkoron ovardə və Azərboyconi bə Ermənistoni vəynə dəvominə təcavuzi band məsəlon ros karde xahişış kardə.
