Qilonədə vəli fəğih nımoyəndə de xarıci tələbəon vindemonış karde

Ayətullah Rəsul Fəlahəti ım vindemonədə de işorə bə elm, aqahi və antikorrupsiya əhəmiyyət ijən əlovəş karde: elm və aqahi, inson və iştimoiyəti ozavziye, komiləti və navəjəti 2 qılə amil bə hisob omeydən və qıləy iştimoiyət de ozod, təhsil karde, aqah və de zılmi mubarizə bardey insonon bə hərəbaxtəti və inkişof bərəse.

Əv ijən de işorə bə ım ki inğilobi bəpeşt, İroni elmi vırə, inğilobi bənaviku vey bəpeye ijən votışe: İroni ım elmi ozavziye, de istikbor və zılmi vədə, millət və cıvonon muğaviməti sayədə icod bıə və har qılə  tələbəon boştə kişvəriro elm, aqahi və antikorrupsiya nesaj vardə kəse.

Qiloni ali məktəbi sədr, Muhəmməd Dostar həm ım mərosimədə votışe: şımə tələbəon həm karde bəznen İroni tələbəonku de ulqu peqətey vositə, de zılm, və dınyo istikbori mubarizə bardey royədə və çəvon mərkəzədə de israili vədə və ədolət, təhəvvul iyən antikorrupsiya royədə boştə kişvəriro qəm peqəton.

Votey lozime ki Qiloni ali məktəbədə təğribən 240 nəfər tələbə, 11 qılə xarıci kişvəriku təhsil kardedən.