Azərboyconədə cərimon ziyod kardə bin

Prezident İlham Əliyev bə İnziboti Xəton Məcəllə kardə deqışətiyonış təsdığ kardə.

Çımi bə peş qataron vağonon pencəku şodoə xəşəli ro 30 mənot ne, 500 mənot cərimə tətbiğ kardə bəbe.
Metrostansiyon vestibulon, platformon, eskalator iyən vağonon salonon xəşəlin və ya həmonə obyekton səpe nıvışte, məhdudiyyət parçinon iyən dəşe ğadağan bə nışonon onoə vıronku bə stansiya dəşe, zərurət nıbə vırədə “sərnışin-maşinist” rabitəku istifodə karde ro cərimə 15 mənotiku bə 200 mənot ros kardə bə.
Bə osonə ro əşyo şodoe ro cərimə 30 mənoti məbləğiku bə 200 mənot ros kardə bə.
Avtomobiliku bə kəno şodoə əşyo, xəşəli ro cərimə 200 mənot ne,  4000 mənot  bə.
Lap sıftə ın cərimə məbləğ 30 mənot be.
De nuə ğanuni, bə roon və ya ro onoəyon əşyo şodoe ro fiziki xonəxon 200 mənot, vəzifəninə xonəxon 1000 mənot, huğuği xonəxon 4000 mənot məbləğədə cərimə kardə bəben.
Təməku məmulati xəşəlon bə ətrof muhit sodoe roən cərimon məbləğ ziyod kardə bə.
In məbləğ 50 mənotiku bə 300 mənot rosniyə bə.
In nəzərədə qətə xəto inziboti tanbeh sə xonəxo tərəfo 1 sorədə təkror beədə 700 mənot məbləğədə cərimə kardə, və ya 60 saatiku tosə 100 saati ictimoi ko tətbiğ kardə bəbe.
Məişət xəşəlon bə kənoə vıron sodoe ro cərimə 300 mənotiku bə  5000 mənot ros kardə bə.